5iyun2008

5 İYUN 2008-Cİ İL; №9-10 (423 -424).

Heydər Əliyevin yubileyi bütün dünyada əsl el şənliyi kimi bayram edilmişdir!

Heydər Əliyevin “İpəkçi”nin baş redaktoruna müraciəti: “...Taleyi sınan xalqımızın bu ağır çağlarında M.Salisin baş redaktor olduğu “İpəkçi”nin yaradıcı kollektivinə haqq-ədalət uğrunda mübarizə aparmaqda, bütün qüvvələri səfərbər etməkdə, hər bir oxucuda müstəqil Azərbaycanın sabahına inam yaratmaqda böyük uğurlar diləyirəm.”

Heydər Əliyev,

 R

RAMİZ MEHDİYEV VƏ HİDAYƏT ORUCOVUN “QƏSD” KİTABINDAN

“1994-cü ilin oktyabr, 1995-ci ilin mart aylarında ölkədə baş vermiş xoşagəlməz hadisələr zamanı “Şəkinin səsi” sağlam mövqe tutmuş, qanunu yolla seçilmiş Prezidentimizin və Konstitusiyamızın müdafiəsinə yönəldilən yazılarla çıxış etmiş, silahlı müxalifətin ifşa olunmasında böyük rol oynamışdır”.

HADİ RƏCƏBLİ: “Ölkədə “Heydər Əliyev ordeninin yara- dılması təşəbbüsünü ilk dəfə Salis Məmmədov irəli sürmüşdür.

Kim deyirsə ki, bunu o edib, boş şeydir. Bəlkə də kimsə ürəyindən keçir- mişdir, amma, Salis qədər kimsə dilinə gətirməyə cəsarət etməmişdir. Salis isə bunu etdi – “Şəkinin səsi” qəzetində təşəbbüs irəli sürdü. Mən də Milli Məclisin iclasında bu təşəbbüs barədə məlumat verdim. Kim istəsə gedib baxa bilər. Milli Məclisin arxivində, setnoqramı dürür...”

ABŞ-ın  Azərbaycandakı səfiri xanım Ənn Dersi həyat yoldaşı Henk Hendriksonla birlikdə Şəkinin qonağı olmuşdur  

Şəkildə: ABŞ səfiri həyat yoldaşı ilə birlikdə  "Şəkinin səsi" - "İpəkçi" nin ulu öndərimiz Heydər Əliyevin 85 illik yubileyinə həsr olunmuş yeni buraxılışı ilə tanış olarkən.

  ABŞ səfiri xanım Ənn Dersi Şəkidə olarkən əməkdar jurnalist M. Salislə görüşmüş, onun “İpəkçi” qəzetinin öz ölkəsində yaxşı tanındığını, Nyu-Yorkun mət- buat evinin sərgi salo- nunda adı çəkilən qəzetin atlas parça üzərində çap edilmiş 1000-ci nömrəsinin bu gün də nümayiş etdirildiyini məmnunluqla vurğulamış, ABŞ və Azərbaycan xalqları arasında dostluq əlaqələrinin möhkəmləndiril- məsində bir jurnalist kimi baş redaktorun xidmətlərini yüksək qiymətləndirmişdir.

Rino HARNİŞ (ABŞ-ın Azərbaycanda sabiq səfiri):

Şəki-Balakən bölgəsinin sakinləri möhtərəm Prezidentimiz İlham Əliyevin imzaladığı yeni əfv fərmanından onun insanlara göstərdiyi bu humanist qayğısından çox məmnun olduqlarını dilə gətirdilər. Bu da təsadüfi deyildi. Gənc Prezidentimiz İlham Əliyev bölgənin qeyrətli oğlu-ölkənin görkəmli iş adamlarından biri  kimi tanınan və heç bir günahı olmadan Şəki Şəhər İcra Hakimiyyətinin başçısı Əşrəf Məmmədovun, onun komanda üzvlərinin "qara əlləri" və Bakıdakı "dayaq"larının köməyi ilə qondarma "Şəki hadisələri" adı altında güclə böhtan atılaraq "ləkələnən" və icra başçısının "putyovkası" ilə heç bir "müalicəyə" ehtiyacı olmadan Bakıdakı 10 saylı təcridxanaya göndərilən Tehran Lətifovu da gözlənilmədən əvf etmiş və təcridxanadan evə buraxmışdır. Bu şad xəbər, yaxşı mənada bütün Şəkini, Şəki ilə qonşu olan rayonları da necə deyərlər, "silkələmiş", hamını sevindirmişdir. Bir neçə gün əvvəl milli liderimiz Heydər Əliyevin ölüm xəbərini təcridxanada böyük narahatçılıq hissi ilə qarşılayan Tehran Lətifovun bu böyük insanın parlaq xatirəsinə öz dərin məhəbbətinqi bildirmək üçün Şəkidə təşkil etdiyi ehsan "süfrəsi" onun böyük ürək və qəlb sahibi olduğunu bir daha nümayiş etdirdi. Həmin "süfrə"nin ətrafına vaxtilə çörək, ruzu verdiyi və bu gün işsiz qalan, ailəsinə bir qarın çörək tapıb apara bilməyən yüzlərlə keçmiş fəhləsi dəvət edilmişdi. Tehranın insanpərvərliyi-böyüklüyü bir daha özünü qabarıq şəkildə büruzə verdi. Həmin gün Heydər Əliyevin ruhuna dualar oxundu. Eyni zamanda "üzürlü" səbəblərə görə öz doğma diyarından, kollektivindən ayrı salınmış bu "məclis"in təşkilatçısının xeyirxah işindən, xidmətlərindən də geniş söz-söhbət açıldı. Belə bir nəcib insanın indi onların arasında olmaması, onun qanunsuz həbsindən sonra Şəkidə və bölgədə işsizlər ordusunun sürətlə aotması təəssüf hissilə xatırlandı.

Doğrudan da Tehran Lətifovun gözlənilməz həbsi bütün Şəkini "ağlat"dı. Axı, bu adamın hamı ilə münasibəti çox əla istiqamətdə qurulmuşdu. Bu insan hamıya əl tuturdu. Şəkinin öütün "dərd"liləri ona pənah gətirirdilər. Onlar başa düşürdülər ki, Tehran Lətifov təkcə insanlara yeni iş yerləri açmaqla öz vəzifəsini qurtarmış hesab etmir. Onların hər cür dərd-sərini də özününkü kimi qəbul edir. Bacardığı, əlindən gələn köməyi heç kəsdən əsirgəmirdi.

Yəqin ki, Şəkinin indiki icra hakimiyyətinin başçısı Əşrəf Məmmədov da onun xeyirxah işlərindən bir çoxunu unutmayıb. O, beş il bundan əvvəl Tehran müəllimə müraciət edərək, ona belə bir bədxəbər çatdırmışdı ki, Kamçatkadan bir şəkili balasını qətlə yetiriblər. Onun cənazəsini Şəkiyə gətirməyə ailəsinin imkanı yoxdur. İcra başçısının bu adi "xəbərdarlığı" Tehran müəllimi çox narahat etdi. "Azəri" kooperasiyasının beş nəfər əməkdaşı təcili olaraq uzaq Kamçatkaya ezam olundu. Bu məqsədlə ayrıca təyyarə ayrıldı. Şəkilinin cənazəsi əvvəlcə təyyarə ilə Bakıya, ordan isə şirkətin öz avtomaşını ilə Şəkiyə gətirildi və torpağa tapşırıldı. Bu cür ağır, çətin işin altına ancaq Tehran Lətifov kimi mərd insan girə bilərdi. O, ətək-ətək pul xərclədi. Və belə xeyirxah bir iş gördüyünə və kiməsə əl tutduğuna isə  heyfslənmədi.

Bu da danılmaz həqiqətdir. Şəkinin icra başçısı o vaxt Tehran müəllimi hamıya nümunə göstərirdi. Başçının qəzetlərdən birinə verdiyi müsahibəsində deyilirdi ki, bu gün Şəkinin Tehran Lətifov kimi iş adamlarına böyük ehtiyacı vardır. Əgər bizim Tehran Lətifov kimi beş sahibkarımız olsa idi - Şəkidə işsizlik problemini çox qısa müddətdə həll edə bilərdik.

Tehran Lətifovun özü də belə düşünürdü. O, qeyd edirdi ki, Şəkidə nə qədər çox iş yerləri açılsa, nə qədər çox adam işlə təmin edilsə Şəki tərəqqi edəcək, şəkililərin həyat tərzi getdikcə yüksələcək, rayonun uğurları durmadan artacaq. Tehran müəllimin fikrincə, rayonda əsas diqqəti sıradan çıxmış tütünçülüyün, çəltikçiliyin, baramaçılığın bərpasına yönəltmək lazım idi. və özü də bu istiqamətdə az iş görmürdü, kənd təsərrüfatı əməkçilərini ruhlandırırdı. Onun təşəbbüsü ilə fəaliyyəti dayanmış bir neçə müəssisə yenidən işə düşdü.

Tehran Lətifovu əsl "universal sahibkar" adlandıranlar qətiyyən yanılmırdılar. Onun fəaliyyət dairəsi geniş idi, güclü tikinti obyektləri vardı. Üçmərtəbəli bir univermaq ucaldırdı. "Marxal" istirahət zonasını yenidən qurmuşdu. Kiş çayının ətrafında səliqə-sahman yaratmışdı. İstirahət zonasına gedən yolu müasir dövrün tələblərinə uyğun şəkildə bərpa etmişdi. Arzuları, planları böyük idi. Kiş kəndindən "Xan yaylağına" rahat avtomaşın yolu çəkdirmişdi. Şəhərdəki kolxoz bazarını da özəlləşdirmək fikrinə düşmüşdü. Və ürəyində götür-qoy edirdi ki, Şəkidə böyük bir tütün fabriki yaratsın, istifadəyə versin, burada yüzlərlə adamı işlə təmin etsin.

Lakin Tehran Lətifovun bu qədər geniş və məhsuldar fəaliyyət göstərməsi, böyük arzularla yaşaması ona baha oturdu. Bu isə ilk növbədə Şəki Şəhər İcra Hakimiyyətinin başçısı Əşrəf Məmmədovun, şöbə müdiri Eldəniz Qəhrəmanovun Tehran müəllimdən "üz döndərməsi" ilə nəticələndi. Onların "narahatçılı"ğını başa düşmək mümkün idi. İcra başçısının fikrincə, Tehran Lətifovun Şəkidə bu qədər geniş "əl-qol" açması - hər sahədə bir yenilik yaratması, əhali arasında böyük hörmət-izzət qazanması icra başçısının mövqeyinə -"dəst-xətti"nə uyğun gəlmirdi. Xüsusən, Tehran müəllimin yeni-yeni təşəbbüslərlə çıxış etməsi, bir yerdə dayanıb durmaması, daim irəliyə baxması əlindən heç bir iş gəlməyən, ancaq özü, qardaşları və qohumları üçün yaşayan Əşrəf müəllimi az qala hövsələdən çıxarmışdı. İcra başçısı Tehran müəllimin bu "şıltaq"lığına dözə bilmirdi. Və Tehran Lətifovu "gözdən salmağa" başladı, bu tanınmış iş adamı ilə olan əvvəlki xoş münasibətlərindən "imtina" etdi. Halbuki Şəkidə bilməyən çətin tapılar ki, Tehran müəllimin sərəncamında olan bütün texnikanın ikinci sahibi məhz icra başçısının özü idi. Tehran Lətifovun hesabına özü və qardaşları üçün ticarət obyektləri, köşklər tikdirirdi. Xüsusən, icra başçısının qardaşları adından Tehran müəllimdən "qopardıq"ları hər şeyi qazanc bilirdilər. Tehran müəllim isə əsl alicənablıq nümunəsi göstərir, belə şeylərə əhəmiyyət vermir, başçı ilə yaxşı münasibətlərini korlamaq istəmirdi.

Tehran müəllim demokrat insan idi. Hamıya yaxşılıq edirdi. Şəkinin icra başçısı isə Tehran müəllimin şəkini az qala "zəbt" etməsini -bu diyarın birinci sahibkarına çevrilməsini özü üçün təhqir hesab edirdi. O, bu sahibkarla mübarizədə məqsədinə çata bilməyəcəyini görüb, ona qarşı "Əşrəfsayağı" "fitnəkar-fəsad" metodlarla "hücum" etməyə üstünlük verirdi. Az sonra daha da "ciddiləş"di: üz-gözündən yaş, tər əvəzinə, "zəhər-zəhrimar" yağmağa başladı. Dünyanın harasında yaşadığını belə unutdu-haraya göz gəzdirdiksə, sanki Tehran müəllimdən başqa heç kəsi görmürdü. Onunla "vidalaşmağın" vacib olduğunu ürəyinin qərarı ilə rəsmiləşdirdi. Başçının fikrincə, Tehran Lətimfov bundan sonra onun rəhbərlik etdiyi Şəki rayonunda yaşaya bilməzdi, buradan həmişəlik uzaqlaşdırılmalı idi. Bu "fikrini" bir qədər də "dərinləş"dirdi. Və Tehran Lətifovu qurduğu "tələyə" gətirilib salınması üçün Şəkinin görkəmli iş adamı Nəsib Növbərovu da aldadıb yolundan çıxardı, onun xidmətindən, köməyindən çox məharətlə istifadə etdi. Belə ki, özünün təşəbbüsü ilə əvvəlcə icra aparatının qabağında balaca bir "piket" düzəltdi. Bu "piket"ə gələnlər isə özgələri yox, elə icra başçısının qardaşı Əliyar Məmmədovun direktor olduğu kənd təsərrüfatı texnikumunun tələbələri idilər. Guya onlar şəhərdə elektrik işığının fasilələrlə verilməsindən və qazın olmamasından şikayətlənirdilər. Bu arada yoldan ötüb keçən digər cavanlar da bu balaca "axına" qoşuldular. Sən demə, icra başçısına da belə lazım imiş. Tələbələr "piekt"in böyüdüyünü görüb, "cəsarətə" gəldilər. Əllərinə daş götürüb icra aparatının bir-neçə pəncərəsini vurub qırdılar. Meydanı qızışdırdıqdan sonra özləri aradan çıxdılar. Onları başqaları əvəz etdi: "Piket" iştirakçılarının yeni "üzvləri" icra başçısını "görüşə" çağırdılar. Əşrəf müəllimin isə dünya vecinə deyildi, kabinetində əyləşib yeni planlar hazırlayırdılar. Görkəmli iş adamı Nəsib Növbərovu yanına dəvət edərək "piket" iştirakçılarını sakitləşdirmək üçün Tehran Lətifovun köməyinin çox vacib olduğunu dilə gətirdi. Sən demə, bu vaxt Tehran müəllim toyda imiş. O, başçının bu "çağırışına" biganə qalmadı, özünü onun köməyinə yetirdi. Və eyni zamanda icra başçısına bu xırda "narazılığı" şişirtməməyi məsləhət gördü. Həbs olunmuş bir-iki cavanın buraxılmasını vacib bildi. Binanın sınmış pəncərələrinə gəldikdə isə, onları öz vəsaiti ilə təmir etdirməyi öhdəsinə götürdü.

Elə bu vaxt icra başçısı öz "cildini" dəyişdi və əsl "mətləbə" keçdi: hadisənin baş verməsində köməyə çağırdığı Tehran Lətifovun "barmağı"nın olduğunu onun düz gözünün içinə dedi. Və sahibkara hər cür böhtanlar atmağa başladı. Bu "mənzərə"ni görən Nəsib Növbərov vəziyyətin nə yerdə olduğunu indi anladı. Anladı ki, icra başçısı ona "nömrə" gəlibmiş və bu adamın əli ilə Tehran Lətifovu "ləkələmək" fikrinə düşübmüş. Çünki həmin "hadisə" ilə əlaqədar həbs olunanların cərgəsində Tehran Lətifovun da görünməsi Əşrəf müəllimin fitnəkar əməlindən soraq verirdi. Nəsib müəllimin sözlərinə görə, həbs olunanlar icra bğaşçısının şəhər daxili işlər şöbəsi əməkdaşlarının iştirakı ilə əvvəlcədən nəzərdə tutduqları adamlar idilər. Onların bu həbsinin rəsmiləşdirilməsində şöbə müdiri Eldəniz Qəhrəmanovun, icra aparatının komendantı Ruslan bəyin də mühüm rolu olmuşdu. Onlar əllərində möhürü olan balaca müdirləri - yalançı "şahid"ləri dərhal yanlarına çağırıb, onları heç bir əsası olmayan yalan "ifadələr" verməyə məcbur etmişdilər. Bu, "ifadə"lər isə Mingəçevir məhkəməsində "daşdan" keçdi. Hakim Ənvər Seyidovun sədrliyi altında keçirilən məhkəmədə Tehran Lətifova qarşı yönəldilmiş saxta ittihamlar Əşrəf Məmmədovun istəyi üzərində "təhlil" olundu. Tehran Lətifov icra başçısının ona atdığı şər və böhtanların heç bir əsası olmadığını "sübuta" yetirə bilmədi. Onu dinləyən, eşidən belə tapılmadı. Səsini "batır"dılar. Belinə beş il həbs cəzası zolladılar. Siyasi məhbus kimi, Bakıdakı 10 saylı təcridxanaya "istirahətə" yola saldılar.

Tehran Lətifovun həm həbs olunması və həm də həbsxana ilə bağlı həyatı da istər-istəməz bir çox "müəmmalı" məsələlərin açılmasına aydınlıq gətirir. Əvvəlcə onu xatırladaq ki, "Şəkinin səsi" qəzetinin ölkə prezidentinə ünvanladığı "Açıq məktub"unda Tehran Lətifovun qanunsuz həbsi ilə bağlı hər şey ona çatdırılmışdı və günahsız iş adamlarının haqqının müdafiə olunması xahiş olunurdu. Sağ olsun, rəhmətlik Heydər Əliyevi! Bizim bu "Açıq məktubu"muza biganə qalmadı. Qəzetin həmin yazısına Ali Məhkəmədə baxıldı. Və məlum oldu ki, hakim Ənvər Seyidov Tehran Lətifovun işinə baxarkən ədalətsiziliyə yol vermişdir. Buna baxmayaraq, Ali Məhkəmə öz növbəsində Tehran müəllimə gücü çatan qədər kömək etdi. Onun həbs cəzasını düz 2,5 il azaltdı. Bu isə, ilk növbədə Südabə xanım Həsənovanın xeyirxah bir insan, təcrübəli bir hüquqşünas olduğundan xəbər verirdi. Bundan sonra fikirləşməyə dəyərdi ki, məlum "Şəki hadisələri" ilə bağlı həbs olunanlar arasında ən aşağı cəzanı Tehran Lətifov almışdır. Əgər o biriləri 6-7 il həbsxanada "yatacağı" halda, Tehran Lətifov 3,5 ildən sonra azadlığa buraxılmalı idi. Əgər həmin illərdə Prezidentin əfv fərmanları olarsa, deməli, hamıdan qabaq Tehran Lətifov həbsxananı tərk etməli idi.

Onu da yada salaq ki, möhtərəm prezidentimiz Heydər müəllim İlham Əliyevlə birlikdə 2001-ci ilin noyabrında Şəkinin qonağı olarkən məlum "Şəki hadisələri" ilə bağlı əvvəllər söylənilən xoşagəlməz fikirlərə bir aydınlıq gətirildi. Məlum oldu ki, Şəkidə "siyasi hadisə" adı altında dövlətçiliyimizə qarşı heç bir xoşagəlməz hadisə baş verməmişdir. Bu, elə Əşrəf Məmmədovun özü tərəfindən uydurulmuşdu. O, Tehran Lətifov kimi tanınmış sahibkarlardan "qisas" almaq üçün onu Azərbaycan dövlətçiliyinin, Prezidentin "düşməni" kimi qələmə vermək istəmişdir. Məqsədi isə o olmuşdur ki, guya Əşrəf Məmmədov "Şəki hadisələri"nın qabağını almasaydı, ölkə fəlakətə uğrayardı, Azərbaycan dövlətçiliyinin sonu yetərdi(?!). Əşrəf müəllim bu hərəkəti ilə ilk növbədə Prezidentin diqqətini özünə cəlb etmək, özünü ona "Milli qəhrəman" kimi sırımaq istəyirmiş. Prezidentlə keçirilən fəallar yığıncağında Əşrəf müəllim özünü "sığortalamaq" üçün, az qala, məlum "Şəki hadisələri"ni "Şəki zarafatları" kimi qələmə vermək və salondakıları güldürmək istəmişdir. Həmin görüşdə iştirak edən xalqımızın qeyrətli oğlu Ramil Usubov da icra başçısının bu "təlxəkliyi"ndən çox narazı qalmışdır. Məsələ isə bunda idi ki, Əşrəf Məmmədov bu fitnəkarlığı hesabına 18 nəfər şəkili, o cümlədən Tehran Lətifov həbsxanaya düşmüş, əzab və əziyyətlərə düçar olmuşdular.

Əlbəttə, ölkə Prezidenti də bz növbəsində Əşrəf müəllimin "hərəkəti"ni yəqin ki, onun "təlxək"liyi, "sırtıq"lığı kimi başa düşmüş və düz üç aydan sonra öz fərmanı ilə məlum "Şəki hadisələri"nin həm təşkilatçıları, həm də iştirakçıları adı altında həbs olunanları azad etmişdir. Ancaq onlar arasında  təkcə Tehran Lətifovun olmaması hamını təəccübləndirdi. Prezidentin bu əfv fərmanı mətbuatda işıq üzü görəndə artıq Heydər Əliyev xaricdə-müalicədə idi. Deməli Əşrəf Məmmədovun və onun Bakıdakı yaxın qohumu Səfa Mirzəyevin və digər "cibgir" dostlarının əllərinə yaxşıca fürsət düşmüşdü. Onlar sözü bir yerə qoyaraq, Prezidentin əfv fərmanını "saxtalaşdıra" bilmişdilər. Tehran Lətifovun adının qəsdən fərmandan kənarda saxlanılması da bunu təsdiq edirdi. Halbuki, Tehran Lətifov birinci növbədə -hamıdan qabaq evə buraxılmalı idi – onun cəza müddətinin başa çatmasına çox az vaxt qalmışdı.

Bir sözlə, Tehran Lətifovun işi "düyünə" düşmüşdü. O həbsxana həyatı ilə "vidalaşa" bilmirdi. Prezidentin ölkədə olmaması və Sübadə xanım Həsənovanın köməyi ilə Tehran Lətifovun cəza müddətinin 2,5 il azaldılması Əşrəf Məmmədovun onun Bakıdakı "dayaqları"nın daha qəti addımlar atmağa məcbur edirdi. Əşrəf Məmmədovun Prezident Aparatındakı dostları söz verirdilər ki, qoy, narahat olmasın, bundan sonra da Tehran Lətifovun əfv məsələsi onların nəzarətində olacaqdır. Bunula da Əşrəf Məmmədov kifayət qədər "sərmayə" buraxırdı. Onun göndərdiyi pullar Bakıdakı "dayaqları"nın cibini doldururdu. Günahsız Tehran Lətifova isə hər dəfə bir "nömrə" gəlirdilər. Türmədə deyirdilər ki, "Prezidentə ərizə yaz, əvf olunmağını xahiş et". Tehran da inanırdı. Lakin əfv fərmanları bir-birini əvəz etdikcə, heç birində Tehran müəllimin adına rəst gəlmək mümkün olmurdu. Nəhayət, tezliklə məlum oldu ki, onun ərizələri türmədə saxlanılır. Prezidentə çatdırılmır. Çünki Şəki Şəhər İcra Hakimiyyəti başçısının Bakıdakı dostları Əşrəf müəllimin xətrinə onun azadlığa çıxmasının əleyhinə idilər, bu işdə Əşrəf müəllimin mövqeyini qoruyurdular. Əks təqdirdə, Əşrəf müəllim onların hamısından, o cümlədən Yusif Hümbətovdan, yaxın qohumu Səfa Mirzəyevdən inciyə bilərdi. Digər tərəfdən, hes nəyə yaramayan, iki eşşəyin aprasını belə bölməyi bacarmayan, müxalifətin "pişiyi"ni ağaca yox, divara "dırmaşdıra" biləcəyi ilə yersiz öyünən, iqtidarın isə belə "pişiyi" varsa - onun "hünərini" görməyən - "kosmosa" qalxa biləcəyinə şübhə ilə yanaşan millət vəkili Siyavuş Novruzovun Şəki şəhər İcra başçısının yanında şöbə müdiri işləyən Eldəniz Qəhrəmanovun da məlum "Şəki hadisələri"nin yaranmasında bütün "zəhməti" hədər gedə bilərdi.

Əşrəf Məmmədov işi elə təşkil etməli idi ki, Tehran Lətifovun üzünə təcridxananın çıxış qapıları daim bağlı qalsın. O, türmədən çıxıb bir daha Şəkiyə qayıda bilməsin. Vaxtı çatanda da, ona oradaca böhtan, şər atılsın və yenidən cəzalandırılsın. Heç vaxt Əşrəf müəllimlə üz-üzə gəlməsin.

Biz də "Şəkinin səsi" olaraq bu haqsızlığa öz sözümüzü dedik və əsl Şəki həqiqətlərini olduğu kimi ölkə prezidenti İlham müəllimə çatdırdıq. Nəticəsi əla oldu. Qəzetin İlham Əliyevə ünvanladığı "Açıq məktub"da Tehran Lətifovun haqqı bir daha qətiyyətlə müdafiə olundu. Və İlham müəllim də baxıb gördü ki, Tehran Lətifov çoxdan əfv olunub evə buraxılmalı idi. Onun təcridxanada bu qədər saxlanılmasına heç bir səbəb yox idi. Bu, ancaq Əşrəf müəllimin "maraq"ları çərçitvəsində ola bilərdi. Məhz İlham müəllim ədalət prinsipini əsas götürərək Tehran müəllimi özünün imzaladığı sonuncu fərmanı ilə azadlığa buraxdı. Deməli, "Şəkinin səsi" qəzeti də öz vəzifə borcunu yerinə yetirdi. Uduzan isə Əşrəf müəllim oldu, onun ətək-ətək xərclədiyi pullar hədər getdi. Bakıdakı "dayaq”ları Əşrəf  müəllimin "zibili"nə keçdilər, ancaq özlərini ifşa etdilər.

Bu gün Şəkidə yaxşı əhval-ruhiyyə hökm sürür. Və Hamı İlham Əliyevə öz minnətdarlığını bildirir. Tehran Lətifovun isə "donmuş" müəssisələrində bir "tərpəniş" hiss olunur. Şəkililər hər gün Tehran müəllimlə görüşə tələsir, öz keçmiş iş yerlərinə qayıtmaq istədiklərini bildirirlər. Və sevimli prezidentimiz İlham Əliyev tərəfindən əfv olunması münasibətilə Tehranın valideynlərinə, ailə üzvlərinə, təzəcə dil açmış körpə qızına gözaydınlığı verirlər.

Tehran Lətifov beş il öncə 4 min ailənin "çörək təknəsi" hesab olunurdu. Bu gün isə o, hər şeyə sıfırdan başlamağa məcburdur. Onu çox gərgin iş gözləyir. Lakin heç vaxt ruhdan düşmür, özünü həmişə İlham Əliyevin yanında, onunla bir sırada hiss edir. Və o bu etimadını doğrultmaq üçün qarşısına çıxan bütün çətinliyi məharətlə dəf etmək iqtidarındadır.

Yeri gəlmişkən onu da qeyd edək ki, Tehran Lətifova son üç  ildə böyük mənəvi və iqtisadi ziyan dəymişdir. Bu ziyanı ona Əşrəf Məmmədov vurmuşdur. Etibarlı mənbədən aldığımız məlumata görə, Əşrəf Məmmədov son beş ildə Şəkini söküb dağıtmaqla məşğul olmuş, Şəkinin tanınmış sahibkarları Nəsib Növbərova, Hüşəng Nəcəfova, Mahib Rəcəbliyə, Kazım Məmmədova daim şər-böhtanlar atmış, onların səmərəli fəaliyyət göstərməsinin qarşısını almışdır. İndi bir çox sahibkarın əl-qolu işdən soyumuş, tütün fermentasiya kimi iri bir zavodun qapısından qara qıfıl asılmışdır. Bütün bunların hesabına icra başçısı özünü yaxşıca "tutmuş", küllü miqdarda pul qazanmışdır. Bizə belə gəlir ki, gələn ili gözləmədən bu icra başçısı ilə indidən haqq-hesabı çürütmək, Şəki sahibkarlarına vurduğu bütün ziyanı onun var-dövləti hesabına ödənilməsini təmin etmək lazımdır.  

M.SALİS,

                                       Respublikanın Əməkdar jurnalisti.

                      ("Şəkinin səsi" - "İpəkçi", 17 fevral 2004-cü il).

11 İL ÖNCƏ

ŞƏKİ ŞƏHƏR İCRA HAKİMİYYƏTİNİN VƏ ŞƏKİ JURNALİSTLƏRİNİN “ŞƏKİNİN SƏSİ” VƏ “İPƏKÇİ” QƏZETLƏRİNİN BAŞ REDAKTORU, RESPUBLİKANIN ƏMƏKDAR JURNALİSTİ, “QIZIL QƏLƏM” MÜKAFATI LAUREATI SALİS MƏMMƏDOVA ANADAN OLMASININ 65 İLLİK YUBİLEYİ ƏRƏFƏSİNDƏ 

T  Ə  B  R  İ  K     M  Ə  K  T  U  B  U

Şəkildə: Şəki Şəhər İcra Hakimiyyətinin başçısı Nazim İbrahimov ötən ilin yekunlarına görə və peşəsində yüksək göstəricilər əldə etdiyinə görə əməkdar jurnalist M.Salisi mükafatlandırarkən.  

Hörmətli Salis müəllim, əziz dostumuz və qardaşımız! Ömrünün müdrik çağı – 65 yaşınız ərə- fəsində səmimi hisslərimizi, ürək sözlərimizi istəkli həmkarımız olan Sizə – Azərbaycan jürnalistikasının veteranlarından birinə təbrik məktubu vasitəsilə bildirməyi qərara aldıq. Bəri başdan deyək ki, biz – Sizi coşqun təbiətə, özünəməxsus yaradıcılıq dəst-xəttinə, diapazonuna malik olan cəsarətli qələm sahibi kimi tanıyır və hörmət edirik.

Jurnalist əməyini çox vaxt şaxtaçı və ya ona bənzər digər ağır və çətin peşə sahiblərinin əməyi ilə müqayisə eləyənlər heç də yanılmırlar. Siz həyatınızın 45 ildən çoxunu, yəni bizim əksəriyyətimizin yaşı qədərini məhz belə çətin və məsuliyyətli peşəyə – mətbuata həsr etmisiniz. Yaşlı nəslə mənsub olan jurnalist həmkarımızın təbirincə desək, Sizin bir insan kimi təbiətiniz, əmək fəaliyyətiniz, jurnalistika yaradıcılığınız, ziyalılığınız bənzərsizdir. Həyatın heç bir sahəsində heç kimi oxşamır, heç kimi təkrar etmir, həmişə özünəməxsusluğunuzla seçilirsiniz. Bunlar isə jurnalist üçün tələb olunan ən birinci və başlacı keyfiyyətlərdir.

Həyatınıza və fəaliyyətinə bələd olanlar yaxşı bilirlər ki, uzun illər “Bakinsiki raboçi” qəzetinin bölgə müxbiri vəzifəsində işləmiş atanız Məmmədsani Məmmədovun təsiri Sizin də taleyinizdə mühüm rol oynamış, lap gənc yazlarınızdan mətbuata böyük maraq göstərmisiniz. Hələ orta məktəbdə oxuyarkən yerli və respublkia mətbuatında  maraqlı xəbərlərlə, şeir və foto-şəkillərlə müntəzəm çıxış etmisiniz. Ali peşə təhsili aldıqdan, yəni jurnalist ixtisası qazandıqdan sonra Siz yerli radio verilişləri və “Nuxa fəhləsi” (indiki “Şəki”) qəzetinin redaksiyalarında səmərəli və coşqun fəaliyyət göstərmiş, 1960-cı ildən isə ipək kombinatında (indiki “İpək” şirkətində) çıxarılan çoxtirajlı “İpəkçi” qəzetinin redaktoru olmusunuz.

Artıq 38 ildən çoxdur ki, “İpəkçi” qəzeti ilə Sizin adınız daim yanaşı çəkilmiş, “Salis-İpəkçi”, “İpəkçi-Salis” sözləri həmahəng səslənmişdir. Mübaliğəsiz demək olar ki, Sizin “İpəkçi”yə rəhbərlik etdiyniz dövrdə həmin qəzet Şəki ipəkçilərinin fəaliyyətinin əsl salnaməsinə çevrilmişdir. Adi müəssisə üçün  çoxtirajlı olan bu kiçik qəzet öz böyük işləri ilə daim seçilmiş, yazılarının təsirliyi ilə təkcə  respublikamızda deyil, keçmiş ittifaqda geniş şöhrət tapmışdır. Şəki ipəkçilərinin qazandıqları nailiyyətlər, rast gəldikləri çətinliklər və problemlər Sizin qəzetdə özünün tam mənası ilə geniş əksini tapmışdır. “İpəkçi” qəzeti də Azərbaycanın nəhəng sənaye flaqmanı olan ipək istehsalat  birliyi (indiki “İpək” şirkəti) ilə birlikdə addımlamış, böyük inkişaf yolu keçmiş, respublikamızın mədəni həyatında özünəməxsus iz qoymuşdur. “İpəkçi” qəzetinin səhifələrində bacarıqlı ipəkçilərin qabaqcıl iş təcrübəsi ətraflı işıqlandırılaraq təbliğ olunmuş, fəhlə sinfinin bitkin, canlı obrazı yaradılmışdır. Və beləliklə də Azərbaycanda ipəkçiliyin inkişafında, milli ipəkçi kadrlarının formalaşmasında Sizin redaktor olduğunuz qəzet xüsusi rol oynamışdır.

Əlbəttə həm Siz, həm də “İpəkçi” qəzeti şəhərimizin, rayonumuzun, bölgəmizin ictimai-siyasi və mədəni həyatına dərindən nüfuz etmisiniz. Şəki tarixən respublikamızın ən qədim, gözəl, yüksək mədəniyyət şəhərlərindən biri olmaqla yanaşı, həm də problemləri ilə bütün respublikada nəzəri cəlb etmişdir. Biz  mətbuat işçiləri yaxşı bilirik ki, bu problemlərin həllinə kömək göstərmək üçün Sizin qəzetiniz mətbu sözün qüvvəsindən nə dərəcə səmərəli istifadə etmişdir.

Yaxşı xatırlayırıq. Şəki ipəkçiləri mənzil sarıdan çətinlik çəkərkən Siz “İpəkçi” qəzeti vasitəsilə respublikanın bütün əlaqədar təşkilatlarına, yuxarı orqanlara müraciət etdiniz. Nəticəsi isə xalqın xeyrinə oldu. Şəki ipəkçiləri üçün şəhərimizdə çoxmərtəbəli yaşayış binaları inşa edildi, əsl fəhlə qəsəbəsi salındı.

Yaxud, ipək istehsalat birliyinin xammalla təchiz olunması barədə o vaxtkı yüngül sənaye naziri Klyuyevə “İpəkçi” qəzetində dərc edilmiş “Açıq məktub”dan sonra bu nəhəng ipək müəssisəsinin ahəngdar işi qaydaya salınmışdır. Fəhlə qəzetinin fəaliyyətində belə faktlar çoxdur.

“İpəkçi” qəzeti adamların mənəvi tərbiyəsində, xalqlar arasında dostluğun, qardaşlığın bərqərar olmasında həmişə yaxından iştirak etmişdir. “İpəkçi”nin vaxtilə Moskvada, Kiyevdə, Tbilisidə buraxılan “Darnitsa şolk”, “Çelnok” və digər qəhetlərlə birləşmiş nömrələri mətbuat aləmində təqdir edilən əlamətdar hadisə kimi qiymətləndirilmişdir. Bu dostluq nömrələri Şəki ipəkçiləri ilə Rusiya, Ukrayna, Gürcüstan sənayeçiləri arasında sıx iştisadi və mədəni əlaqələrin yaradılmasında, şəhərimizin sənaye nəhənginin istehsal gücünün artırılmasında mühüm rol oynamışdır. Təsadüf deyil ki, hələ o zaman Azərbaycan Kommunist Partiyası Mərkəzi Komitəsinin orqanı olan “Kommunist” qəzetində və respublikamızın digər mərkəzi mətbuat orqanlarında “Kiçik qəzetin böyük işi” adlı geniş mətbuat xülasəsi dərc olunmuşdu. Qələm dostlarımızdan biri Sizin fəaliyyətinizi xarakterizə edərkən “İpəkçi”in dünyanın “cırtdan dövləti”nə bənzətmişdi.

Sonralar şəkililər Sizin qəzetiniz haqqında bu cür təqdirəlayiq xülasələrin çox şahidi olmuş, çox oxumuşlar. Təbii ki, bunlar mətbuat  aləmində Sizin şöhrətinizi getdikcə artırmış, yüksəklərə qaldırmışdır.

Şəkililər haqlı olaraq deyinrlər ki, ipəkçilərin “Marxal” istirahət zonasının açılmasında, iəpk istehsalat birliyi üçün nəhəng boyaq-bəzək fabrikinin tikintisində, Şəki Dövlət Dram Teatrı üçün binanın ucaldılmasında, şəhərimizin bir sıra küçə və meydanlarının abadlaşdırılmasında və qaydaya salınmasında, türk liseyinin, neft bazasının fəaliyyətə başlamasında Sizin gərgin və yaradıcı jurnalist əməyiniz vardır.

Təsadüf deyil ki, Sizin xidmətiniz xalqımız və dövlətimiz tərəfindən layiqincə qiymətləndirilmişdir. Siz nəinki Şəkidə, eləcə də bütün bölgəmizdə ilk dəfə olaraq respublikamızın əməkdar jurnalisti fəxri adına, Azərbaycan Jurnalistlər Birliyinin “Qızıl qələm” mükafatına layiq görülmüsünüz. “Şərəf nişanı” ordeni, medallar, diplomlar, digər müka- fatlarla təltif olunmusunuz.

İlk baxışda elə görünə bilər ki, bütün bu nailiyyətlərdən, fəxri adlardan, uzun müddətli yaradıcı, gərgin əməkdən sonra adamın  enerjisi tükənir. Lakin yaşınızın bu müdrik çağında, saçlarınız düm ağarsa da hiss edirik ki, Sizin qəlbiniz hələ də yazmaq, yaratmaq eşqi ilə çırpınır.

Azərbaycanda istiqlal hərəkatı başlayanda Sizin yaradıcılığın daha böyük coşqunluqla çağlamağa başladı. Bir çoxları hadisələrin arxasında sürünəndə Salis və “İpəkçi” qəzeti bu hərəkatın  ön sıralarında addımlayırdı. Xalq hərəkatı Sizin istedadınızı bir daha aşkara çıxardı. Sizə daha geniş əl-qol atmağa imkan verdi. Bu gün imza etdiyiniz “Şəkinin səsi” qəzeti məhz belə zəmin əsasında yaranmışdır. Və artıq beş ildir ki, respublikamızın çoxsaylı mətbuat orqanları sırasında öz dəst-xətti ilə seçilir.

İndi qəzet çıxarmaq sözün əsl mənasında qəhrəmanlıq tələb edir.  Siz isə birdən birə iki qəzeti yaşatmağa səy göstərirsiniz. Yaxşı bilirik ki, inflasiyanın, digər iqtisadi çətinliklərin hökm sürdüyü, kağız, mətbəə, rabitə xərclərinin hədsiz artdığı bir dövrdə iki qəzetə həyat  vermək, obrazlı desək, bir canda iki ipək gəzdirmək nə deməkdir. Həm də maraqlıdır ki, heç bir çətinlik, məcburiyyət Sizi ruhdan salmamış, jurnalist peşənizdən bezikdirə bilməmişdir.

Oxucularda aydın təsəvvür yaratmaq üçün qeyd edək ki,  Siz bu qəzetlərin həm baş redaktoru, həm məsul katibi, həm korrektoru, həm də tərtibçisisiniz. Siz çıxartdığınız qəzetləri bağrınıza basıb qapı-qapı paylayanda, bunu özünüzə şərəf hesab edəndə təkcə peşə dostlarınızı deyil, çoxlarını heyrətə qoyursunuz. İnsan peşəsinə nə qədər vurğun olarmış!. Bu sevgini ancaq valideyninin öz övladına olan məhəbbəti ilə müqayisə etmək olar. Belə coşğun fəaliyyətiniz bizim nəzərimizdə Sizin əli qələmli cəngavər obrazınızı yaradır.

Salis müəllim, bəlkə də bunu kimə isə desək inanmazdı ki, Siz 25 ildən artıqdır ki, məzuniyyətə çıxmırsınız. Həyatınızı doğma balanız kimi ürəkdən sevdiyiniz, qəzetlərinizdən ayrı təsəvvür etmirsiniz. Bunu öz gözlərimizlə gördükdən, şahidi olduqdan sonra yəqinlik hasil etmişik.

Əlbəttə, mövcud çətinliklər Sizin qələm gostlarınız, bizlər üçün də var. Amma, Sizi gözümüzün önünə gətirir, bu çətin, lakin son dərəcə şəfərli peşədən ikiəlli yapışırıq.

Siz  gözəl qələm sahibi olmaqdan əlavə, həm də böyük ürək sahibisiniz. Həmişə dara düşənlər, köməyə, məsləhətə ehtiyacı olanlar ilk öncə Sizə müraciət edir və həmişə də razı qaldıqlarını bildirirlər.

Arabir öz-özümüzə düşünürük: Sizin qəzetlərinizin bu qədər sevilməsinin sirri nədədir? Axı, hamıya aydındır ki, indi respublikada çoxlu sayda qəzet çıxır. Və onların çoxu da maraqla oxunur. Bu, ilk növbədə onunla əlaqədardır ki, demokratiya mübarizəsinə qoşulmuş kütləvi informasiya vasitələri ölkənin ictimai-siyasi həyatında mühüm rol oynayır, adamların ən pünhan fikir və duyğularını əks etdirir.  Doğrudur, bəzən nöqteyi-nəzərlər toqquşur. Lakin mənafelərin polifoniyasında bir şey ortaya çıxır: həqiqət. Bizə elə gəlir ki, Sizi bir jurnalist kimi sevdirən də bu həqiqətə sadiq qalmağınızdır. Cəsarətlə etiraf edirik ki, Sizin qəzetlərinizin siması xeyli dərəcədə başqalarından fərqlənir.

Azərbaycan Prezidenti Heydər Əliyev yazıçılarla görüşlərinin birində demişdir ki, ədəbiyyat, mətbuat həyatın nəbzini tutaraq hərəkət etməlidir. Fəaliyyətiniz göstərir ki, həyatın nəbzini tutmaq xoşbəxtliyi Sizə daim yar olmuşdur. Və Siz bir jurnalist kimi bu xoşbəxtliyi, həqiqəti yazmağı hər şeydən üstün tutursunuz.

El gözü tərəzidir, deyirlər. Təsadüfi deyil ki, Sizin xidmətləriniz milli Azərbaycan hokuməti tərəfindən də yüksək qiymətləndirilmiş, “İpəkçi” qəzetinin 60 illik yubileyi münasibətilə möhtərəm prezidentimiz Heydər Əliyev Sizə təbrik teleqramı göndərmişdir. Həmin təbriki burada nümunə kimi bütövlükdə qeyd etmək bizim üçün olduqca xoşdur. Orada deyilir: “Dünya şöhrətli ipəkçilərimizin əmək rəşadətlərinin yorulmaz tərənnümçüsü “İpəkçi” qəzeti 60 illik yaradıcılıq yolunu şərəflə keçmiş, respublikamızın ictimai-siyasi həyatını dolğun əks etdirməklə öz oxucularının rəğbətini qazanmışdır.

Bu əlamətdar hadisə – 60 illik  yubiley münasibətilə qəzeti və oxucularını ürəkdəndən təbrik edir, onların hər birinə cansağlığı, xoşbəxtlik və bundan sonra da oxucu etibarına inam yaratmaqda böyük uğurlar diləyirəm”

Bizə  elə gəlir ki, bu sözlər təkcə Sizin deyil, bütün Şəki jurnalistlərinin əməyinə verilən çox yüksək qiymətin bariz nümunəsidir. Azərbaycan Prezidentinin qərar və göstərişləri biz jurnalistlər üçün əməli fəaliyyət proqramıdır.

Prezidentimizin həmin təbriki Sizi daha qətiyyətli, mübariz olmağa ruhlandırmışdır. Sizin baş redaktor olduğunuz “İpəkçi” və “Şəkinin səsi” qəzetlərində təkcə rayonumuzun deyil, bütün bölgəmizin problemlərinin daha cəsarətlə əks olunmasına səy göstərilir.

Əlbəttə, bir təbrik məktubunda Sizin zəngin həyatınızı geniş əks etdirmək, bitkin obrazınızı yaratmaq təbii ki, imkan xərcindədir. Lakin bunlar gələcək publisist yazıların, sənədli povestin cizgiləri kimi Sizə də, bizə də, gələcək nəsillərə, gurnalistika tədqiqatçılarına da lazım olacaqdır.

Möhtərəm Salis müəllim!

Şəkinin icra hakimiyyəti, bütün Şəki gurnalsitləri adından Sizə bir daha yüksək insani keyfiyyətlərinizi və nümunəvi yaradıcılıq xüsusiyyətlərinizi qoruyub saxlamağı, əhyatınızın bu yetkin çağında bundan sonra da uzun ömür jurnalistlik fəaliyyətinizdə yeni uğurlar arzulayırıq.

(Arxivimizdə olan bu təbrik məktubunu Şəkinin sabiq icra başçısı Nazir Əhmədov və Şəkinin tanınmış jurnalistləri imzalanmışlar.)

Qurtuluş SLEYMANLI

        NƏNƏM

(Ana nənəm Mələksima Hacı Rəsul qızının əziz xatirəsinə)

Qığılcımdan alov götürüb yanan,  

Ömrünü qəm, dərdlə bitirib yanan.

Bircə balasını itirib yanan,

Ay vaxtsız, vədəsiz qocalan nənəm.

     Şərəflə yaşayın, namus, ar çəkən,

Bağ salan, gül əkən, gülablar çəkən.

Tale qismətindən əzablar çəkən,

Tənha nəvəsindən güc alan nənəm.

Qoruyan eşqini, etibarını,

Sevən Qışlağını, ilk diyarını.

Cavankən itirən doğmalarını,

Şəki torpağında tək qalan nənəm.

Köç edib yurdundan, elatdan gedən,

Şadlıqdan, sevincdən, muraddan gedən.

Otuz üç yaşında həyatdan gedən,

Vardı Firat adlı bir balan, nənəm.

Kimsəyə yamanlıq edən olmayıb,

Haramlıq yolunu güdən olmayıb.

Yalan arxasınca gedən olmayıb,

Haqlı, ədalətli, düz olan nənəm.

Babam Hacı Yusif yoldaşın idi,

Məhəmmədlə Baba qardaşın idi.

Zülhəccə xalamız sirdaşın idi,

Qəlbinə yaşlardan sel dolan nənəm.

Atan Hacı Rəsul polad kimiydi,

Taleyin min sirrli həyat kimiydi.

Cüt əlin qabarlı qanad kimiydi,

Lək qazan, ot çalan, bağ salan nənəm.

Qurtuluş bu şeri yazdı səninçün,

Adına nə desə azdı səninçün.

Şəklini gözündən asdı səninçün,

Qəlbimdə heykəli ucalan nənəm.

                    NƏ VAR Kİ…

«Utanmasan oynamağa nə var ki?» 

                                     (Atalar sözü)

Namərdlərdən varlığını sən qoru,

Yırtıcının başlarına at toru.

Nadürüstü, yaramazı, nankoru,

Görüb, seçib anlamağa nə var ki?

Zəhər yaşar ilanların qanında,

Hiylə gəzər dələduzun canında.

Zorlu olub gücsüzlərin yanında,

Xoruz kimi banlamağa nə var ki?

Oxşarı yox pisin vətən daşına,

Hara getsən çıxacaqdır qarşına.

Avam olub, keçib stol başına,

Ziyalını qınamağa nə var ki?

Pul xətrinə arla, namus batanda,

Vardan ötrü insanlığı atanda,

Yaltaq olub mənliyini satanda,

Şərəfsizi yanlamağa nə var ki?

Acgözlükdən, tamahlardan doymasan,

Yer üzündə bir yaxşılıq qoymasan.

«Şərə» dönüb, «Xeyirə» suyu qıymasan,

Bulaq olub qaynamağa nə var ki? 

Ay Qurtuluş yaşama qəm içində,

Qəlbində söz, yanır aləm içində.

Harınlaşıb yasda, matəm içində,

Utanmazlıq oynamağa nə var ki?

     OL BAŞLARIN TACI BALA

                  (Nəsihətamiz lövhələr)

Ac olan acı yeyər, ac da yalavacı bala,

Dayaq ol imkansıza, qoru yazıq acı bala.

İnsana ümid verən ol, dilində gülüş olsun,

Söz denən şirin-şirin gəl danışma acı bala.

Haqqı sev, sadə yaşa, çıxma ilkin sifətindən,

Baxma öz həmyerlinə tərsinə, qıyqacı bala.

Nişan al bayquşu vur, qarğanı vur, pisləri qır,

Öldürmə qu quşunu, bəzəkli turacı bala.

Həyatın düşmə dara qoru əyilməzliyini,

Dal günə halallıqla saxla ehtiyacı bala.

«Dirilik ağacıdır» adı yaşar tarixdə.

Həm qoru, həm də yaşat qırma qarağacı bala,

Bağban ol, bağça yarat, yaşıllıq el sərvətidir.

Təbiət bizimkidir yaşat hər ağacı bala,

Sən eşit Qurtuluşu yaxşılıq et millət üçün,

Oxşa  əsil insana ol başların tacı bala.

   HƏYAT BUDURMU

Boş gülüş hədəfi görəndə mərdi,

Əlimnən nə gəlir… mən də sınıram.

Qədərsiz kədərin, qədərsiz dərdin,

Qədrini biləni qadir sanıram.

                                       Ç.ƏLİOĞLU.

Utandım həyatdan daima qardaş,

Vərəqdi, qələmdi şairlərə sirdaş.

Qəlbimdə şeirlər donub olubdu daş,

Söyləyin siz mənə həyat budurmu?!

Tək Allah anlayır mənim qəlbimi,

Qırılıb qəlb çalğımın hər yerdən simi.

Sildim şeirlərimdən kədəri, qəmi,

Söyləyin siz mənə həyat budurmu?

Xanımam dar gəlir mənə kainat,

Düşünüb yazıram, ürəyimdi polad.

Hər şeyi ən gözəl görürəm hər an,

Söyləyin sən mənə həyat budurmu?

                              Xanım İsmayıl qızı HƏSƏNOVA,

Şəki rayonu Cuma kənd orta məktəbinin XI sinif şagirdi.          

Məmməd Xəlilov

                    NAZPƏRİNİN TƏRİFİ

"Oxu məni" qəzetinin 75-ci sayında verilmiş bir müsahibədə hörmətli müğənnimiz Nazpəri Dostəliyevanın ünvanına deyilmiş iki kəlmə ona layiq olmayan söz işlədilməsindən təəssüflənərək qələmə aldığım sözlər

Ay Nazpəri, Nazpəri,

Gəlin pəri, qız pəri.

Səni dinləyən adam,

Unudur dərdi, səri.

Nazpəri elin qızı,

Azərbaycan ulduzu.

Hərarətli səsilə,

Qışda əridir buzu.

Nazpəri, muğam oxu,

Güllərdən xalı toxu.

Sənə qibtə eləyir,

Müğənnilərin çoxu.

Nazpərinin sözləri,

Xumarlanır gözləri.

Ruhlara qida verir,

Könül açan sözləri.

Əzizimiz Nazpəri,

Xoş ləhcəli qız pəri.

Oxu könüllər gülsün,

Hər açılan səhəri.

Nazpəri el gözəli,

Şirin deyir qəzəli.

Sözləri ilhamlıdır,

Həm sonu, həm əzəli.

Nazpərini el sevir,

Bağlardakı gül sevir.

Onun gözəl səsini,

Oxuyan bülbül sevir.

Nazpəri çox həvəslə,

Hey oxuyur şikəstə.

Onun gözəl səsilə,

Sağalır neçə xəstə.

Nazpəri, oxu mahnı,

Həm təzə, həm maraqlı.

Qoy bundan ilham alsın,

Neçə sevən adaxlı.

Nazpəri bahar qızı,

Həm şəkəri, həm duzu.

Günü-gündən parlayır,

Yurdumun dan ulduzu.

Nazpərinin gur səsi,

Valeh edir hər kəsi.

İnsana təlqin edir,

Çox yaşamaq həvəsi.

Nazpəri el bülbülü,

Sevir çiçəyi, gülü.

Onun şah-raq cəh-cəhi,

Xatırladır bülbülü.

Nazpəri gözəl ana,

Şöhrətin gəlmir sana.

Böyük oğlun evlənib,

Sən olmusan qaynana.

Ay Nazpəri məzəsən,

Könüllərdə təzəsən.

Tanrı səni qorusun,

Gəlməyəsən gözə sən.

Azərbaycan Respublikası Sərhəd Qoşunlarının 89-cu və Dövlət Sərhəd  Xidmətinin yaradılmasının 6-cı ildönümü ilə əlaqədar "Müqəddəs sərhədlərimizin keşiyində" mövzusunda müsabiqənin

Q  A  Y  D  AL  A  R  I

Müsabiqə müstəqil dövlətçiliyimizin əsas atributlarından olan sərhədlərimizin müqəd- dəsliyinin, Dövlət Sərhəd Xidmətinin əldə etdiyi nailiyyətlərin, cəmiyyətdəki rolunun və əhəmiyyətinin ictimaiyyətə çatdırılması, gənc nəslin milli dövlətçilik ruhunda tərbiyə edilməsi, sərhədçilərin estetik zövqünün yüksək səviyyədə formalaşdırılması iəqsədini daşıyır.

1.Müsabiqə iki nominasiyada - kino sənəti üzrə (sənədli film) və foto sənədi üzrə keçirilir.

2.Müsabiqənin mükafatları aşağıdakı kimi təyin olunur:

KİNO SƏNƏTİ ÜZRƏ: (sənədli film)

I mükafat - 5.000 manat, 1-ci dərəcəli diplom;  

II mükafat - 4.000 manat, 2-ci dərəcəli diplom;  

III mükafat - 3.000 manat, 3-cü dərəcəli diplom;  

FOTO SƏNƏTİ ÜZRƏ

Sərhədçilərin xidməti döyüş fəaliyyətini əks etdirən fotolar

I mükafat -400 manat, 1-ci dərəcəli diplom;  

II mükafat - 350 manat, 2-ci dərəcəli diplom;  

III mükafat - 300 manat, 3-cü dərəcəli diplom;  

Azərbaycanın təbiət mənzərələrini əks etdirən fotolar

I mükafat -400 manat, 1-ci dərəcəli diplom;  

II mükafat - 350 manat, 2-ci dərəcəli diplom;  

III mükafat - 300 manat, 3-cü dərəcəli diplom;  

Azərbaycanın tarixi abidələrini əks etdirən fotolar

I mükafat -400 manat, 1-ci dərəcəli diplom;  

II mükafat - 350 manat, 2-ci dərəcəli diplom;  

III mükafat - 300 manat, 3-cü dərəcəli diplom.

3.Müsabiqənin şərtləri:

-Əsərlər 2008-ci il iyun  ayının 30-dək aidiyyəti təşkilatlara (Dövlət Sərhəd Xidmətinin Mərkəzi Aparatına, Azərbaycan Rəssamlar İttifaqına, Kinomotoqraflar İttifaqına) təqdim olunmalıdır.

-Fotolar 70x90 sm ölçüdə olmalıdır.

-Müsabiqənin nəticələri Azərbaycan Respublikası Dövlət Sərhəd Xidmətinin yaranmasının 6-cı ildönümü ərəfəsində elan ediləcəkdir.

Azərbaycan Respublikası Sərhəd Qoşunlarının yaranmasının 89-cu və Dövlət Sərhəd Xidmətinin yaranmasının 6-cı ildönümü ilə əlaqədar sərhədyanı rayonların ümumtəhsil məktəblərinin yuxarı sinifşagirdləri arasında "Biz sərhədlərimizi göz bəbəyi kimi qorumalıyıq

Q  A  Y  D  A  L  A  R  I

Müsabiqə dövlət sərhədlərimizin mühafizəsinin əhəmiyyətini, sərhədlərimizin müqəddəsliyini dərk etməkdə məktəbli gənclərə köməklik göstərilməsi, onların yüksək vətənpərvərlik, milli-dövlətçilik ruhunda tərbiyə olunması məqsədini daşıyır.

1.Müsabiqənin mükafatları aşağıdakı kimi təyin olunur:

I mükafat -300 manat, 1-ci dərəcəli diplom;  

II mükafat - 250 manat, 2-ci dərəcəli diplom;  

III mükafat - 200 manat, 3-cü dərəcəli diplom.

2.Müsabiqənin şərtləri:

-Müsabiqə sərhədyanı kənd məktəblərinin 9-11-ci sinif şagirdləri arasında keçirilir.

-Məktəblilər üzrə müsabiqəyə qalib gəlmiş yazı sərhəd dəstəsinə təqdim olunur.

-Hər sərhəd dəstəsində I-III yerlərə çıxmış yazılar 2008-ci il iyun ayının 30-dək Dövlət Sərhəd Xidmətinin Şəxsi Heyət Üzrə Baş İdarəsinə təqdim olunur.

-Müsabiqənin nəticələri Azərbaycan Respublikası Dövlət Sərhəd Xidmətinin yaranmasının 6-cı ildönümü ərəfəsində elan ediləcəkdir.

-Məktəblilər üzrə müsabiqədə qalib gəlmiş yazı sərhəd dəstəsinə təqdim olunur.

-Hər sərhəd dəstəsinə I-III yerlərə çıxmış yazılar 2008-ci il may ayının 20-dək Dövlət Sərhəd Xidmətinin Şəxsi Heyət Üzrə Baş İdarəsinə təqdim olunur.

-Müsabiqənin nəticələri Azərbaycan Xalq Demokratik Cümhuriyyətinin yaranmasının 90 illik yubileyi ərəfəçində elan ediləcəkdir. 

ÖMRÜN SƏKSƏNİNCİ BAHARI